TANJUNG NAN TIGO BUAH TANJUNG

Di tanjung nan tigo buah ini ialah tempat permukiman hambo rakyat nan terletak di perbatasan Jambi jo Minang Kabau, oleh sebab itu mako ditentukan Duduk Letaknyo Tanjung Nan Tigo Buah itu. Supayo tentu ketat nan babuku lanca nan barueh, bagi wilayah masing-masing agar jangan terjadi silang sengaketo antaro keduo rakyat di kawasan itu dapat hendaknyo menjalin hubungan hidup berdampingan secara damai turun temurun di kemudian hari.

Maka diputuskanlah dek Ninik Perpatih Nan Sebatang jo Nenek Datuk Ketemenggungan tentang duduk letak nyo Tanjung Nan Tigo Buah tanjung itu, iyolah sebagai berikut:

Tanjung Belit masuk kejambi nan membelit adat jo pusako membelit pematang minang kabau, Tanjung Alam masuk ke minang kabau nan menjadi ujung lentik lidah tanah, ujung pematang Minang Kabau pangkalan dagang nan limo puluh Tanjung Semelidu terletak diujung pucuk jambi nan Sembilan lurah, nan bainduk ke jambi nan ba bapak ke minang kabau.

Mako tanjung nan tigo buah ini mempunyai Piagam Karang Setio adat nyo masing-masing.Piagam tanjung alam yang dibikin sesuai dengan letak tumbuh daerah nyo yaitu berbunyi demikian.

“Ujung Lentik Lidah tanah ujung pematang Minang Kabau pangkalan dagang nan limo puluh nan besiluk kedalam Pucuk Jambi Nan Sembilan Lurah”.

Kemudian untuk lebih mempereratnyo hubungan baik antaro tanjung alam sebagian rakyat Minang Kabau dengan Tanjung Belit sebagai Rakyat Jambi yang hidup berdampingan diperbatasan. Mako dibentuklah Suatu Perjanjiaan Persahabatan yang kemudian terkenal di dalam “Tambo Adat” dengan “Piagam Payung Nan Tigo Kaki” Gedang Nan Tigo Selo Namonyo, demikian bunyi nyo.

Payung Nan Tigo Kaki Gedang Nan Tigo Selo nan badiam di Ujung Lentik Lidah tanah ujung Pematang Minang Kabau, Pangkalan Dagang Nan Limo Puluh Di Mudik Tanah Tuan Rajo Hitam di ilir kiyai mamuncak di tengah rajo setio alam.

Mudik depati di Satu Kanglung, di ilir dapati di Pulau Batu kiyai pamuncak di Rantau Ikil. Di tengah Rio bang somo di Senamar apo sebab mangko dikatokan di mudik tau tuah Rajo Hitam? Kiyai Pamuncak itu ialah Gedang Seorang Duo Gelarnyo. Orang seorang duo namonyo, Kiyai Adolah Gelar Dari Jambi, Pemuncak Adalah Gelar Dari Minang Kabau. Karno inyo baparit dalam ketanah Jambi, baranjau rapat ke Minang Kabau inyo bapayung sekaki ketanah, tuan Rajo Sailan, disunagi kunyit babungo setangkai ke Rio Sukolamo Teluk Kecimbung, di temgah-tengah Rio Bangsomo iyo lah nan tau di ereng dengan gendeng, tentu di baso dengan basi, tau di gayung kato sampai kok sakit di ilir, di ilirkan koksakit dimudik dimudik kan, sakit ditengah diperkampungkan tanjung semelidu mempunyai seluko piagam adat nyo, Yang Menyatokan Ditanyo adalah luak nan duo belas kuto nan datang dari mataram (61) emam puluh satu pencalang rombongan Datuk Sunan Mangku Alam nan menemui pinang sebatang di tanah pilih bunyi nyo demikian.

“hai, pucuk jambi Sembilan lurah tujuh koto Sembilan kuto petajen muaro sebo jebus air hitam awin penagan pucuk jalo pumpunan ikan.”

Baca Juga :
TANJUNG NAN TIGO BUAH TANJUNG
RINGKASAN SEJARAH JAMBI DENGAN ADAT NYO
PEPATAH PETITIH YANG BERBUNYI DEMIKIAN
APO KATO UNDANG APO PULO KATO TELITI
PENGANGKATAN BATIN PENGHULU DAN NEGERI
ALUR JO LANGGAN BATIN JO PENGHULU

DEF TANJUANG

TANJUNG NAN TIGO BUAH TANJUNG