BATAS-BATAS SEPUCUK JAMBI SEMBILAN LURAH

SISI JO INGO BATAS SEPADAN JAMBI SEMBILAN LURAH

Undang nan talansung ilir teliti nan telanjuk mudik, undang nan telansung ilir, sampai ke batu babelang antaro teluk kayu putih jo sungai abang babalek mudik, taliti nan talanjuk mudik sampai kelebak logan parit melintang. Di ulu tanjung samalidu babalik ilir bertemu dimuara siat mako disitu diadokanlah “Sialang Nan Balantak Besi Duriyan Nan Batakuk Rajo” dari situ orang pai kepulau sepisak pisau hanyut terus kepulau pimping nan babungo emas sampai kepulau mainan rajo.

Disitulah dipulau mainan rajo orang menentukan sisi jo inggo batas jo sepadan Jambi Nan Sembilan Lurah, disitu jugo orang menentukan duduk letaknya tanjung nang tigo buah. Mako diputuskan lah dek nenek Perpatih Nang Sebatang jo Datuk Ketemenggung tentang batas Jambi Nan Sembilan Lurah sebagai berikut:

Berjejak dari selat berhalo sampai kesialang nan berlantak besi, sampai kedurian batangkuk rajo menuju lubuk buih betung balarik sampai kebetung tujuh bajajar ketapang tigo balarik, sampai kebukit pantai cermin selingkar alam kerinci menuju bukit siguntang –guntang antara Palembang dengan jambi, menurun kerenah tanjung jabung di kuala batang hari segulek batu secucur air kemari. Itulah jambi nan Sembilan lurah.

Lurah Nan Sembilan Jambi Nan Sembilan Lurah

Sembilan Batang Air (anak sungai) nan cucur kebatang hari itu dipepatah petitihkan menurut saluko adat demikian bunyinyo.

“Mudik batang tebo nan sebatang mengulu batang bungo sampai Kepedukun batu kerbau terjun kerenah Sungai Tabir ketelentam air liki kelangeh muaro kibul. Melayang tantan nan sebatang sampai kenibung pulau layang terus kealam pangkalan jambu terjun keluak sikaladi merangin nan sebatang, terus kelimun batang asai sampai ke ulu batang tembesi, keserentik hujan paneh keserentak pesuntung sudah sampai kerimbo galung pasak seentah, disitu luko nan idak bapampeh, disitu mati nan tidak babangun, inilah hulunyo nan Sembilan jambi nan dikatokan Sepucuk jambi Nan Sembilan Lurah”.

Sembilan anak sungai nan mengalir deras jo tenang bateluk Rantau Panjang jo pandak nan cucur ke Batang Hari nan bermuaro Keselat Berhalo, bermuaro kelaut ba Hulu ke gunung, terang jelas asal usul asalnyo.

Bagi anak jo pinak cupak jo gantang kerat jo kudungan di dalam Daerah Sepucuk Jambi Sembilan Lurah, dengan seluko panto – pantonyo, Watas pinggang telago darah sehinggo, watas bahu talago bangkai surutnyo kenan bena jugo biar sepuluh pelilitnyo, sebuah jugo pametinyo.

Baca Juga :

Tanjung Nan Tigo Buah Tanjung

RINGKASAN SEJARAH JAMBI DENGAN ADAT NYO

PEPATAH PETITIH YANG BERBUNYI DEMIKIAN

APO KATO UNDANG APO PULO KATO TELITI

PENGANGKATAN BATIN PENGHULU DAN NEGERI

ALUR JO LANGGAN BATIN JO PENGHULU