APO KATO UNDANG APO PULO KATO TELITI

APO KATO UNDANG APO PULO KATO TELITI

Kato Undang Sebelum Enggang Terbang Sebelum Ranting Jatuh sebelum gajah lalu belum pulo rumput lendo. Sebelum dagang temalam di tepian belumlah orang dusun itu kehilangan dagang nan temalam itu nan tasukup dek undang-undang itu siuh baka baputung suluh upih racun batampung syak kato undang.

Mengenai orang orang bamalam ditepian ini bagai manopulo kato teliti, kato teliti kok iyo nan sado ini kato undang, di mano nan takejar talelah apo pulo nan takejut tagempar, mano nan tatukek jalan mendaki talanca tijaknyo jalan menurun mano pulo sesap jo jarami mano pulo tunggul pamarehnyo, mano pulo tempat kuburanyo kok nan siuh bakar nan batampung suluh, upeh racun nan batampung sayak kato undang itu, mano puntung suluh siso pembakarannyo mano pulo upeh racun siso pemakananyo itu kok ado nang dikato undang itu. Sah orang itu bersalah. Cukup dengan tampuk tangkai nyo bao kemari jiko tidak basuo nan ado itu belum tentu orang itu bersalah.

Nan dikato undang itu ado tampuk tangkainyo jiko tiado tampuk tangkainyo bandang namonyo, kok diteruskan jugo jatuh menjadi hukum merajalelo, babalek angin kesesap terembus disalung nan babuku babalek hawo kamuko.

Disini jelaslah undang itu menukap salah teliti meneliti salah benarnyo sesuai undang jo teliti mako  disatukanlah undang jo teliti diatas bukit seguntang guntang diantaro palembang dengan jambi.

 Dibawah balai nan beratap ijuk memotong kerbau tengah duo (kerbau bunting) orang menyatukan undang jo teliti untuk dijadikan pegang jo pakai dijadikan lantak nan idak tagoyah, cermin nan idak tau kabur, kok malam dijadikan suluh, kok siang dijadikan tongkat, untuk pegang jo pakai di daerah masing- masing di Jambi Sembilan Lurah.

Kok Sealam Minang Kabau itu pucuk adat timbunan pasko pucuk jalo pumpunan ikan, Alam Minang Kabau, jo Sepucuk Jambi Nan Sembilan Lurah samo batampuk  ka Bukit Gombak samo batangkai ke Jambu Limpo, kok sekitar Gunung Gedang, Selilit Gunung Sago, Selingkar Gunung Merapi, dulunyo undang-undang  semato – mato, salah tangan tangan dikerat, salah kaki, kaki di tetak, salah mato,mato bacukek,  hak darah  baganti darah, hilang nyawo  baganti nyawo.

Di Sepucuk Jambi Sembilan Lurah jo ujung lentik lidah tanah itu negeri baundang bataliti ico jo pakai nyo, iyolah hak darah pulang kepampeh, lembam balu nan batepung tawa, hak nyawo balek kebangun, doso nan batobat, salah nan barutang, babaris sesat surut lewat lampau, menyembah pasko.

Pucuk jambi nan sembilan lurah nan didiami Luhak Nan Limo Puloh nan bapangkalan di Tanjung Alam iyolah "Pelepat,Senamat,Tebo,Bungo,Asau,Jujuhan,Siat,Piuko,sembilan jo Batang Hari"

Tweet