PEPATAH PETITIH YANG BERBUNYI DEMIKIAN

Kayu arang kayu cendano, kayu sebatang tigo namo berdahan tigo dahan beranting tigo ranting berdaun tigo helai berbuah tigo buah sebuah jatuh kepangkal batang sebuah jatuh keombak nan berdebur kearus nan bedengung. Sebuah jatuh kegunung nan memuncak.

Nan jatuh sebuah kepangkal batang itu menjadi urat adat pangkal pasko bagi Jambi Sembilan Lurah.

Nan jatuh kesebuah ombak nan berdebur kearus nan bedengung itulah teliti nan mudik dari jambi teliti dituang di teluk jambu lipo nan berentak galah, bersimbur dayung di baok dek Nenek Perpatih Nan Sebatang.

Nan jatuh sebuah kegunung nan memuncak iyolah undang-undang nan turun dari Minang Kabau, undang-undang nan tibo di bukit Gombak batu sangkar di baok dek Nenek Ketemenggungan nan batali galeh di punggung. Bakain ba sampe ka bahu, meniti Alam Minang Kabau. Sampai keujung lentik lidah tanah ujung pematang Minang Kabau pangkalan dagang nan limo puluh, sampai ke batuangit batu kangkung terentak junjung sirih terentang Kutobaka. Terentang artinyo terentang undang-undang dari Minang Kabau. Kotobaka artinyo “baka” itu adalah jalan, jalan teliti dari Jambi, dilubuk terentang Kotobaka lah pertemuan undang jo teliti.

Baca Juga :

Tanjung Nan Tigo Buah Tanjung

RINGKASAN SEJARAH JAMBI DENGAN ADAT NYO

PEPATAH PETITIH YANG BERBUNYI DEMIKIAN

APO KATO UNDANG APO PULO KATO TELITI

PENGANGKATAN BATIN PENGHULU DAN NEGERI

ALUR JO LANGGAN BATIN JO PENGHULU